அவசிய தெளிவு

எல்லா பாதைகளும் ஒரே இடம் சேர்வதில்லை
எல்லா மதங்களும் ஒன்றையே  போதிக்கவில்லை

எல்லா பழைய நூல்களும் உண்மை சொல்வதில்லை

தாலி

மறைந்திருந்து அறுப்பர் திருடர்
உடனிருந்து அறுப்பர் துரோகியர்

தேதி சொல்லி அறுப்பர் திராவிடர் 

தமிழ் பிரச்னை

அண்டை நாட்டு பிரச்னையில்
சாய பக்கம் தேர்வு செய்ய
தமிழும் தொப்புள்கொடியும்

மாநிலங்கள் இடை பிரச்னையில்
நாட்டுப்பற்றை விட்டுத்தள்ள
தமிழும் செம்மொழியும்

சாதிகள் இடை பிரச்னையில்
பந்தங்களை அறுத்தெறிய
தமிழும் ஆண்ட பொய்களும்

ஊரெல்லாம் தம்பட்டமிட்டு
காதலை தெருவில் விற்க
தமிழும் காதலும் வீரமும்

ஆர்வக்கோளாறால் துடிப்பவரை
ஏய்த்து அனைத்தும் பிடுங்கிடவே
தமிழும் உணர்வும் தேசியமும்

இதை நம்பி ஊறி வளர்ந்து பிழைத்து
விழுந்து நாறி எழ கேட்கும் பதில்
தமிழுக்கும் தனிவாழ்வுக்கும் என்ன இருக்கு

காதல்

காதலை விரும்பும் மனிதரை புரிகிறது
காதலை வெறுக்கும் மனிதரை ஏற்கிறது

காமமில்லா காதல் என்போர் எவ்வினம்  

எரிதம்

எல்லோர் முகப்பையும் அசிங்கம் செய்யும் 
என்னவென்று தெரியாமலே பகிரும் ஆர்வம் 

முகநூலே புரியவில்லை வாழ்க்கை புரியுமா

தமிழ் வளர்ப்போர்

தூர வடக்கு மாநிலத்திலிருந்து வந்து 

தமிழும் வள்ளுவமும் வளர்க்க 

அண்டை வடமாநில தமிழ் வளர்ப்போர்க்கு வருத்தம் 

வெருளி எரிக்கும் அறிவு

அனைத்து சாதி பிரச்னைகளுக்கும் ஒரு சாதியே காரணம்
அந்நாட்டின் அனைத்து பிரச்னைகளுக்கும் ஒருவனே காரணம்

வல்லோனுக்கஞ்சி வைக்கோல் வெருளி எரித்து மகிழும் அறிவு