காத்திருத்தல்

கால் கடுக்க வழி பார்த்து காத்திருந்தேன் முன்பு
கால் பார்த்து வழியிலே காத்திருந்தேன் பின்பு
காத்திருத்தலே வழியாகி நின்றேன் இன்று

உள்ளே வெளியே

கூட்டத்தில் இருக்கையில் கூட்டத்தை வெறுத்து
தனிமையில் இருக்கையில் தனிமையை வெறுத்து
வெறுப்பு உள்ளிருக்க உணர்வு வெளியிருக்க

கூட்டத்தில் இருக்கையில் கூட்டத்துடன் பேசி
தனிமையில் இருக்கையில் தனக்குள் பேசி
பேச்சு உள்ளிருக்க கருத்து வெளியிருக்க

கூட்டத்தில் இருக்கையில் தனிமைக்கு ஏங்கி
தனிமையில் இருக்கையில் கூட்டத்திற்கு ஏங்கி
ஏக்கம் உள்ளிருக்க எண்ணம் வெளியிருக்க

கூட்டத்தில் இருக்கையில் கூட்டத்தில் களித்து
தனிமையில் இருக்கையில் தனிமையில் களித்து
மூத்தோன் உள்ளிருக்க இளையோன் வெளியிருக்க