இறந்து மிதக்குது
என் வீட்டில்
மீன் தொட்டியில்
அதிக விலை கொடுத்து வாங்கியது
அழகாக இருப்பதாக பலர் சொன்னது
ஏனோ
சிலநாட்களாக
நிம்மதியின்றி இருந்தது
ஏனைய மீன்களை விரட்டியது
விரட்டியதை பார்த்தபோது
கொதித்தது மனம்
விறைத்திருப்பதை பார்க்கும்போது
உடையுது மனம்
மனம்
அந்த மீன்போல
ஒரேமாதிரி இருந்ததில்லை
ஒருநாள் இறந்திடுமோ
சரியா தவறா
விரட்டும் மீன் இறக்கவென்று சபித்தது
சாபம் பலித்ததென்று சற்று மகிழ்ந்தது
அறியாத மீனை வாங்கி வளர்த்தது
இறந்த மீனில் ஞானம் தேடுவது
