தூங்காத தூக்கம்

தூக்கம் வர மறுக்கிறதே
தூங்கும் வழி மறக்கிறதே
தேடும் மனம் தூங்கிடுமோ
சோர்ந்த உடல் சாய்ந்திடுமோ

தாய் மடியில் தூங்கினேனே
தாலாட்டில் தூங்கினேனே
தந்தை கண்ணில் தூங்கினேனே
தட்டித் தர தூங்கினேனே

அயர்ந்து நான் தூங்கினேனே
பயந்தும் நான் தூங்கினேனே
கனவு காண தூங்கினேனே
நினைவு போக தூங்கினேனே

தேடும் போதும் தூங்கினேனே
சேர்ந்து நானும் தூங்கினேனே
என்னில் உன்னை தொலைத்தேனே
இனி எப்போது தூங்குவேனோ