இது பிறந்தது
அது பெற்றது
இது மூன்று
அது முப்பது
இது இளம்விரல்
அது கைகளில்
இது வளருது
அது வளர்க்குது
இது இளஞ்சாரல்
அது பெருங்காற்று
இது இட்டுச்செல்லும்
அது அன்பில்செல்லும்
இது அண்டிச்செல்லும்
அது அழைத்துச்செல்லும்
இது உயரப்போகும்
அது உருகிப்போகும்
இது கடிந்துக் கொள்ளும்
அது சிரித்துக் கொள்ளும்
இது மிரண்டு போகும்
அது மிரட்டிப் பார்க்கும்
இது கசங்கிப்போகும்
அது கசந்துப்பார்க்கும்
இது அதுவன்றி வாழும்
அது இதுவன்றி வாடும்
இது அப்போது
அது இப்போது
இது மலர்ந்தது
அது காய்க்குது
இது அதுவானது
அது இதுவாக்குது
இது பிறந்தது
அது பெற்றது
கருத்துகள் இல்லை:
கருத்துரையிடுக